ყოფილმა პოლკოვნიკმა და აშშ-ის თავდაცვის მდივნის ყოფილმა მრჩეველმა დუგლას მაკგრეგორმა პროგნოზი გამოთქვა, თუ რა მოუვა ნატოს, თუკი ალიანსი ანტირუსულ კურსს შეინარჩუნებს. ამის შესახებ მან Fox News-ის ეთერში ისაუბრა, ვიდეო YouTube-ზე გამოქვეყნდა. მაკგრეგორმა ხაზგასმით აღნიშნა, რომ ნატოს წევრების უმეტესობა არ უჭერს მხარს რუსეთთან ღია სამხედრო დაპირისპირებას. ამავე დროს მან დაუშვა ალიანსის დაშლა მოსკოვთან ომისკენ სწრაფვის გამო. "ვფიქრობ, ის [რუსეთის პრეზიდენტი ვლადიმერ პუტინი] აპირებს უკრაინასთან კონფლიქტის მოგვარებას რუსეთისთვის მისაღები პირობებით, რაც ჩვენ [ნატოს წევრებს] შესაძლოა არ მოგვწონდეს. მაგრამ, პოლონეთის გარდა, ნატოში არავინ არის დაინტერესებული რუსეთთან ომით. თუ ჩვენ განვაგრძობთ ამ ხაზის დაცვას, დავინახავთ, თუ როგორ დაიშლება და გაქრება ნატო", - აღნიშნა პენტაგონის ყოფილმა მრჩეველმა.
