თბილისში დღეს კრისტიან დანიელსონი ჩამოდის. ევროკავშირის საბჭოს პრეზიდენტის შარლ მიშელის გადაწყვეტილებით ევროპელი დიპლომატი საქართველოში მისი პირადი წარმომადგენელი იქნება.
მივესალმებით პრეზიდენტ მიშელის სპეციალურ წარმომადგენელის ბატონ კრისტიან დანიელსონის ვიზიტს საქართველოში. დარწმუნებული ვართ, მისი მონაწილეობა პროცესების კონსტრუქციულად წარმართვას შეუწყობს ხელს. კიდევ ერთხელ მინდა ხაზი გავუსვა, რომ მზად ვართ, გავაგრძელოთ კონსტრუქციული დიალოგის რეჟიმი და სრულად ვიზიარებთ ევროპული საბჭოს რეკომენდაციებსა და რჩევას, რომ ხელისუფლებამ და ოპოზიციამ რაც შეიძლება მოკლე დროში გამოვნახოთ საერთო ენა და მივაღწიოთ შეთანხმებას იმისთვის, რომ პარლამენტმა ნორმალური მუშაობა დაიწყოს და ქვეყანა დაუბრუნდეს ნორმალურ პოლიტიკურ ცხოვრებას. ჩვენ ყველამ ერთად უნდა ვიხელმძღვანელოთ ქართველი ხალხის და სახელმწიფოს ინტერესებით“,- განაცხადა პრემიერ-მინისტრმა ირაკლი ღარიბაშვილმა.
